SUHID SA MALAMPUSONG MAG-UUMANG BOL-ANON NGA PROGRAMA SA KAGAMHANAN SA LALAWIGAN SA BOHOL

Rationale:

Ang Lalawigan sa Bohol hupong sa kinaiyanhong katahom nga dinayandayan sa may 1,776 ka mga kabungtoran ug gipanalanginan sa tabunok nga kayutaan kinsa kadaghanan sa mga katawhan pagpanguma ang kapanginabuhian.

Ang makugihong mga kamot sa mga mag-uumang Bol-anon dako ug gikatabang sa pagseguro ug igong pondo ug pagpalahutay sa pagkaon dinhi sa lalawigan.

Busa tungod niini, ang pangangamhanan sa Lalawigan sa Bohol pinaagi sa Office of the Provincial Agriculturist (OPA) niumol sa usa ka programa nga nagtinguha sa pag-ila  niining dakong tampo para sa kaseguroan sa pagkaon ug paglig-on sa dagan sa ekonomiya pinaagi sa “SUHID SA MALAMPUSONG MAG-UUMANG BOL-ANON”, diiin gilusad pipila na ka mga tuig ang milabay.

Pinaagi sa SUHID, ang mga anaa sa pagpanguma ug pagpangisda ang gidasig sa pagmugna ug dugang pang mga abot samtang giila sa ilang mga paningkamot ug kakugi.

Mga Tumong (Objectives):

Ang tinuig nga pagpahigayon sa Suhid sa Malampusong Mag-uumang Bol-anon nagtumong sa pag-ila ug pagpasidungog sa nag-unang  mag-uuma, mangingisda, mamuhiay ug mga kahayupan, ug mga kahugpungan sa mga mag-uuma, mangingisda ug mga cooperatiba tungod sa ilang mga dalaygon uyamot nga mga kalampusan sa pagpanguma;

Pagpasulbong sa mga naani nga kalampusan sa mga mananaog nga mamahiimong matag-ing sa ubang mga mag-uuma; ug makamugna ug banggiitang Bol-anong mag-uuma nga maoy magdala sa ngalan sa Bohol ngadto sa banga sa Regional Gawad Saka Search sa Departmento sa Agrikultura.

PAMAAGI (Methodology:

• Ang Suhid ipahigayon sa Pangagamhanan sa Bohol pinaagi sa Office of the Provincial Agricultirst (OPA) ubos sa pagpakig-alayon sa ubang mga local na kagamhanan ug mga nasudnong buhatan pinaagi sa Provincial Technical Working Group (PTWG) sa lalawigan sa pag-ila sa mga mananaog sa mga nagkadaiyang mga kategorya uban sa pagpakilambigit sa mga taga Municipal Agriculture Offices sa mga local nga pangagamhanan sa may 47 ka mga kalungsuran ug usa ka dakbayan sa Bohol.

Ang mga sakop sa evaluating team mao ang gitahasan sa pag-ila sa mga Outstanding Agricultural Achievers sa mga nagkadaiyang kategorya. Kining maong mga achievers pagailhon ug pasidunggan uban ang salaping cash nga premyo ug plaque of appreciation ug certificate of recognition.

MGA GIMBUHATON SA OPA.

• Pag-andam ug pagpadala sa mga suwat ngadto sa Mayors ug sa mga nagdumala sa Municipal Agriculture Office magpahibawo kanila sa bangga ug magdapit kanila sa pagsalmot sa matag kategorya.
• Pagdawat sa mga salmot gikan sa mga pangagamhanang local sa lungsod ug sa mga ipasa nga scrapbooks.
• Mohan-ay sa mga salmot para sa bangga ug moduso kanila ngadto sa mga miembro sa Provincial Technical Working Group (PTWG) nga gilangkuban sa OPA ug mga nasudnong ahensya sa kagamhanan.
• Pagsiha sa mga angayang salmot gikan sa mga pangagamhanang local sa lungsod sa PTWG pagahimoon human sa gihatag nga tagal sa pagpadala sa mga salmot.
• Pag-ila ug paghatag pagpasidungog sa mga mananaog.