Rasyonale

Ang kamote gikonsiderar nga usa sa importanteng lagotmon dinhi sa Pilipinas ilabina dinhi sa probinsya sa Bohol. Ang atong lugar naila isip lalawigan nga abunda sa kamote diin ang iyang produkto usa sa gisaligan sa mga katawhan sa ilang panginabuhian.

Ang kamote usa sa mga gikuhaan ug mga produkto sama sa harina nga maoy gigamit isip raw materials sa mga pagkaon sa mga hayop. Usa pa, ang kamote ma proceso isip usa ka pagkaon nga taas og kalidad kaysa sa uban nga lagotmon. Alang sa nagbagang Pilipinhong mag-uuma og mga pamilya sa mga lagotmon usa kini nga masaligan nga tinubdan sa pagkaon o panginabuhian.

Ang kausaban sa panahon dakung babag og kalabutan sa pagpalambo sa pang-agrikultura og tungod niini naapektuhan ang produksiyon sa mga umahan. Ang Office of the Provincial Agriculturist nagplano aron mabalik ang abundang produksiyon pinaagi sa pag-pang-apud-apud og mga itanomay nga kamote og ipanghatag o libreng training alang sa mga mag-uuma nga gustong mananom og kamote arun madugangan ang kasinatian ug kahibalo sa pananom. Daghang mga Pilipinhon ang nagsalig sa pagpanguma alang sa panginabuhian. Kadaghan kanila adunay dyotay lamang ang produksiyon og moresulta kini og dyotay nga abot tungod sa dili husto o kuwang nga kahibalo sa mga teknolohiya mahitungod sa pagpananom niini o kaha limitado lamang ang mga maayung klase sa mga igtatanom nga kamote.

Mga Tumong sa Proyekto

Ang pinakatumong niini nga proyekto mao ang pagpaabunda sa produksiyon sa kamote dinhi sa atong lalawigan aron pagsuporta ug kasiguruan sa nagbagang katawhan og usab sa pag-uswag sa produksiyon sa mga katawhang mag-uuma sa kamote og usa pa aron masiguro ang igong abot nga makatubag sa epekto sa COVID-19 sa tibook ekonomiya sa lalawigan sa Bohol.

Kini nga proyekto magahatag og alternatibong paagi sa pagpananom sa humay ug mais diin nagkinahanglan og abundang katubigan og pag-amuma. Pinaagi niining gihatag nga alternatibo sa pagpananom sa mga mag-uuma mogiya kini sa pagsiguro nga igo ang panginahanglan luyo sa nagkakunhod nga abot sa mga nag-unang produkto.

Mga Benepisyo sa Proyekto

Nalantawan nga benepisyo sa maong proyekto ang kasiguruhan nga adunay igong pagkaon nga muhulip sa nagakonhod nga abot sa humay og mais dinhi sa atong lalawigan tungod sa kakulang og supply sa tubig gikan sa mga dams. Usab aron makahatag og dugang trabaho og panginabuhian sa mga mag-uuma aron mo uminto.

Serbisyo:

  • Mogiya/mohatag og teknikal nga tabang
  • Mohatag og igtatanom
  • Motabang og baligya sa mga produkto
  • Magpadala og sulat ngadto sa PA

Mga Pamaagi sa Proyekto

  • Kini kinahanglan ug sakto nga coordination ug pakigtambayayong kauban sa Munisipyo ug Local nga Pangagamhanan, Grupo sa High Value Commercial Crop and Development Program (HVCDP) Coordinator para sa saktong pag-implementar sa maong
  • Ang pinutod –putod nga ganas sa kamote para itanom adto ihatag sa mag-uuma nga adunay dakong lugar katamnan sa kamote.
  • Ang OPA og ang MLGU nga grupo magpahigayon sa pagpasabot ug pagbansay-bansay kabahin sa pagpadagyhan sa abot ngadto sa kalalakin-an ug kababay-an nga mag-uuma.
  • Kini ipahigayon sa lungsod nga hingtungdan ngadto sa tibook probinsya sa Bohol.

Contact Person: Edilberto P. Lamoste

   BDS for Sweet Potato

Contanct Number: 09486467299

Office Address: Office of the Provincial Agriculturist

3rd Floor New Provincial Capitol Building

Cogon, Tagbilaran City